Cerita Legenda Batu Kapal di Natuna

Bahasa Lampung Dialek A

LEGENDA BATU KAPAL

Batu Kapal ngeghupako sebongkah batu granit balak sai nyeghupai kapal sai teghletak di Batu Kapal, Kecamatan Bunguran Timur, Natuna. Batu sinji dicawako Batu Kapal ulah battukni sangun gegoh kapal balak sai tebelah ghua lagi ngehaman di pelabuhan.

Batu Kapal sinji menughut ceghita di zaman tumbai yakdo sebuah kapal balak sai dipakai jengan muatan, si kedau kapal sinji yakdo meghanai sai pungah ghik sanak ketulahan jama ulun tuhani. Waktu meghanai sina ghadu jadi ulun sukses ghik kaya ghaya, indukni pagun ughik seghba kekughangan.

Indukni ghadu saka nunggu anak kaghutni mulang anjak pekon baghih, akhirni beghita mulangni sanak sina sapai di cuping indukni mesa kabagh jak tetangga-tetangga. Indukni ngedengi wat meghanai kaya si mulang haga ngajajako haghta kekayaanni.

Indukni langsung mit pok kapal si bulabuh, haga ngeliyak sanak si ghadu saka mak tungga. Tigham di lom hati jadi lebon waktu ya ngeliyak anak meghanaini ghadu jadi jelema sukses. Indukni moneh tegagh ulah haga dekok anakni. Kidang meghanai sina mak haga diaghok, bahkan mak haga ngakui indukni tenggalan.

Ya liyom ngakui induk tenggalan ulah kepungahanni ngalahko segalani. Ya ngehina ghik ngusegh jak kapal dengan cagha nyipakko indukni. Indukni mak peghcaya, ketighamanni butahun-tahun dibalos jama kelakuan si mak helau sina. Dilom waktu beghsamaan, ghasa tighamni beghubah jadi mughka ghik secagha spontan, indukni budu’a tagan anak meghanaini sina mesa balosan jak Sai Maha Kuasa.

Ceghita di unggak sangun mighip jama ceghita Malin Kundang, Tangkuban Perahu, ghik ceghita legenda si baghihni. Ceghita zaman tumbai sangun kelamonan tentang anak dughaka ghik pungah hulah ghadu mesa haghta lamon. Ya jadi gelap mata ulah kepungahanni sina. Semoga gham mak gegoh ghesan. Gham haghus jadi sanak si bubakti jama hulun tuha, ghepa goh kondisi gham.

Olah Bahasa Lampung Dialek A : Irma Dewi Meilinda (Ketua KPKers Lampung)

Editing : Elliyanti (Ketua MGMP Bahasa Lampung Kab. Lamsel)

Sumber : http://naldoleum.blogspot.com/2015/08/legenda-batu-kapal.html

Share this post